我去旅行3日，啱啱先醒起唔記得帶避孕藥，我食緊優悅個種，想知道如果之後去完旅行返黎應該點樣食返啲藥？個3日藥點算？
Hello 因為你嘅情況係漏食多過2日藥，所以基本上就要當從新開始食啦。
因為唔清楚你之前排藥係開始食咗幾耐，例如如果你係食到週期最後個幾粒非活色白色藥丸嘅話，其實就冇影響嘅。
不過其他情況嘅話，最好都係返嚟香港之後直接開新一包藥，當新週期咁由頭開始食過。
不過就提醒返，呢段時間嘅避孕功效都會受影響，所以就最好係呢段時間到新週期頭7日都做返額外嘅避孕措施啦。
希望幫到你。
咁如果我返到黎繼續食返舊個排藥，但連續食返7日先再有性行為嘅話，咁樣得唔得？
Hello~ 我會建議你開一排新藥食，舊嗰排留返之後漏食時再用，會容易啲跟返服藥schedule
如果旅行返嚟之後，唔係月經週期頭5日，咁你重新開始服藥就要連續服用14日先有足夠荷爾蒙水平去避孕，期間想發生性行爲，我都會建議你佩戴安全套
我琴晚開始食返舊個排先，今朝開始黎m，佢係好似正常嘅經期咁，但我明明4月10號先第一日黎m，會唔會關漏食藥影響左啲荷爾蒙？同埋我可唔可以當正常黎m咁連續食7日就ok?
我4月10號第一日，4月15號黎完，今日21號又再黎m
Hello你好呀～因為你有漏食咗藥，荷爾蒙水平係漏食嘅呢幾日入邊已經跌咗，導致有撤退性出血，亦都係你而家嚟M嘅情況。你應該開一排新嘅藥嚟食，當一個新嘅周期咁處理，而且要至少keep住七日食有藥效嘅藥丸，先可以有避孕嘅功效。