4月5 last menstruation
4月19做左一次，有戴套冇射 但唔知係咪perfect use
12個鐘後食左1.5mg levonorgestrel
4月19撞正排卵期
擔心食之前已經排左卵
因為聽講levonorgestrel要喺排卵前食先有效
有啲焦慮但未夠日子驗孕
想問下風險大唔大
Hello, 根據你嘅情況，性行為過程有使用安全套同埋食左事後藥，懷孕風險極低，唔使太擔心焦慮。
使用安全套避免液體直接接觸，再加上係有效時效內服食事後藥，事後藥含有高劑量人造荷爾蒙，透過唔同嘅途徑去緊急避孕，包括：抑制排卵、增加子宮頸黏液分泌令精子難以通過、改變子宮腔環境令受精卵難以著床。
如果想安心啲，可以進行驗孕，驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。
我呢兩三日有胸部脹痛感，冇想嘔/食慾改變。今日4月30有用驗孕棒驗過negative, 但唔係用晨尿，仲飲左啲水
。但去到晏晝去兩次洗手間抹到含有血絲分泌物，護墊上冇。
聽講著床出血都係around呢個時段有，其實著床出血同經前症狀係顏色、份量上有咩分別？除左分泌物仲有冇其他指標可以分辨？
好擔心
驚過幾日都唔黎m
同埋食完事後藥呢段期間咩感覺都冇，會唔會代表冇效？
今日5月2用左晨尿clearblue test都係negative, 唔知算唔算可靠？早兩日嘅分泌物冇keep住有，但又未黎m，唔知其實係咩黎？
服食事後藥後好多時有撤退性出血，但唔一定人人都有撤退性出血，所以就算無任何情況出現，只要係性行為後限時內服用都有效。
另外，你5月2號驗孕結果都係陰性，即表示你無懷孕，唔使擔心。