睇到網上认为色情片对大脑有影响，请问应不应该睇?
Hello 色情片對人會有唔同層面嘅影響，但我哋都冇話應唔應該睇嘅，最重要都係識得好好控制，同埋了解清楚之後作出選擇。
首先，色情片入邊可能會比較多情節令觀眾對性有錯誤嘅理解，例如劇情嘅合理性、性行為時候嘅愉悅感、性行為嘅時長同次數、性器官嘅模樣等等，喺現實中同埋喺影片中都可能會有好大出入。色情片係一個可以用嚟刺激性慾嘅素材，但係就唔建議將色情片嘅內容當做教材咁樣學習。雖然色情片可以作為對性呢方面嘅參考，但同時間都要認清楚呢啲內容同現實中嘅距離。
其次，觀賞色情片係其中一個刺激性慾嘅途徑，可以令大腦分泌多巴胺。過分或者沉迷喺色情片之中，就可能會令大腦過量分泌多巴胺，從而影響情緒，亦可能影響日常作息同埋時間分配。不過，刺激性慾嘅途徑同埋分泌多巴胺嘅途徑亦唔只限於觀賞色情片，所以其實重點在於過量同埋沉迷。
所以其實最重點都係在於有冇對色情片有一個正確嘅認知，以及對色情片有冇過分沉迷。最重要都係識得好好控制，係了解清楚利弊之後作出自己認為理想嘅選擇。
Thank you for your reply.請問點樣先至叫做沉迷？同如何做到控制？
Hello
如果你覺得有影響到日常生活嘅話，甚至去到影響社交，可能返學、工作、或者同朋友傾偈，都會想有睇色情影片嘅衝動嘅話，其實就係沉迷嘅跡象
如果覺得去到需要控制嘅情況嘅話，首先可以先初步減少睇影片嘅次數，例如每日一次減少到每三日一次，如此類推；另外可以嘗試做其他事情轉移視線，例如做運動都可以令到自己釋放多餘嘅精力，如果嘗試過唔同嘅方法，都冇辦法控制的話，就需要尋求專業人士嘅協助喇～
希望解答到你嘅疑惑