今個月16 19 20 25 26同男朋友做，都係有無套插入，到最後射先帶番套。射完有check到睇到啲精都係裝好哂冇漏的。
平時黎M好唔定時，試過45-47日先黎，上個月就係31日，但上幾個月就係33-35。
而途中21號尿道炎去咗睇醫生，抗生素食到26號。
而尋日27號晚，見到護墊有似嚟M前平時嗰種淺啡色分泌物，但今日又唔見有M黎。
想問如果今日用驗孕棒，驗孕結果夠唔夠準確？
抑或應該等到月經app預計嘅30號來經日先驗會準啲？
擔心懷孕風險同27號既啡色分泌物…
謝謝
補充一下，頭先啱啱都有同尋日一樣嘅淺啡色分泌物唔知係咪就嚟嚟M定係着床？
因為平時咁嘅色通常第二日就會嚟M
Hello你好呀～首先，即使射精後所有精液都係安全套入邊，都唔等於係安全㗎，陰莖喺性興奮勃起嘅狀態都已經會有分泌物流出，入邊都可能帶有精子，所以性器官只要有直接接觸，就有以為懷孕嘅機會。所以建議要全程戴安全套，而且你嘅經期都唔太準確，好難靠推斷去知道排卵期，所以都建議用返安全措施比較好。
因為經期前出血同着床出血都係淡粉紅色或淺啡色，而且量比較少，我哋好難單靠肉眼去分辨。如果當你今個月係31-35日，16,19,20日嘅性行為就會比較有風險，而驗孕可以喺性行為之後最快7日後進行，會有一個初步嘅結果，減低你嘅擔心。
所以今日29號買驗孕棒去驗，得到嘅結果都係準確嘅？會唔會只係測到for 16 19 20?
同如果今日同聽日測使唔使用晨尿先準確呢？
謝謝你
啱啱用左clear blue digital驗係not pregnant.
今日係第33日，係16 19 20同房後既第9天。
本來app預計我聽日黎m，請問呢個結果準確嘛？
一話睇clear blue instruction sheet寫要3日後再驗？
一話其實尿道炎抗生素藥會有影響呢？我食個隻係叫 Azimax 250mg 同 Levofloxacin 250mg
Hello, 逐一回覆你啦~
Q: 今日29號買驗孕棒去驗，得到嘅結果都係準確嘅？會唔會只係測到for 16 19 20?
A: 講咗驗孕棒原理先，驗孕棒係透過檢測尿液中的hCG來確定是否懷孕。當懷孕時，胎盤會分泌hCG，hCG會通過血液進入尿液，因為尿液是血液的過濾物，它也會攜帶hCG。hCG在懷孕的初期迅速上升，而驗孕棒能夠輕鬆檢測尿液中的hCG濃度，從而幫助女性確定是否懷孕。如果有足夠的hCG，結果便顯示陽性，表示懷孕。
受精著床6至9日後hCG開始分泌持續至懷孕第8至12週，之後分泌量會逐漸下降。所以建議性行為後7至11日進行測試，在性行為後7日能夠驗出初步結果，而性行為後11日便會驗出更準確的結果。
如果29/4驗孕，會得知20/4之前性行為是否有懷孕嘅結果。
Q: 使唔使用晨尿先準確呢？
A: 通常早晨第一次尿液最適合用來進行驗孕測試。這是因為早晨的尿液通常較為濃縮，含有較高濃度的hCG，有助於驗孕棒更準確地檢測出懷孕。但這不是絕對必需的檢測因素，因為隨着懷孕的日數增加，尿液中含有hCG濃度足夠被驗孕棒檢測出結果。
Q: app預計我聽日黎m，請問呢個結果準確嘛？
A: App可以用作參考預計黎m日子，並非100%準確，因為月經週期受到各種因素影響而會有浮動，包括生活作息、飲食、生病、食藥、情緒、壓力等。
Q: 尿道炎抗生素藥對驗孕會有影響？
A: 抗生素唔影響驗孕棒效果。
Q: 驗孕棒什麼時候用才會是準確結果?
A: 根據你嘅情況，最近嘅不安全性行為係26/4，係性行為第7日(3/5)驗孕會有初步結果，係第11日(7/5)驗孕會有更準確結果。