食咗yaz 避孕藥兩年半, 對上一次嚟M係三月六號，已經兩個月冇嚟M
對上一次性行為冇帶套（4月15號），但係過程中有類似流啡嘅情況（可能係大力得滯？）
到而家開咗一排新嘅粉紅色藥丸食緊第一粒
都未有流紅/啡嘅情況，想問吓使唔使驗孕？
同埋需唔需要去睇醫生？
你好，根據你既情況已服食避孕藥兩年半，正常地身體應該已建立穩定既避孕功效，不過唔知你服食避孕藥一段時間，如每年一次，都有搵醫生評估下身體狀況，睇下要唔要轉藥之類，如果無你都可以見下醫生了解下。
另外，你既情況，建議你可以先自行驗孕，雖然服食避孕藥都係一個可靠既安全措施，但有時都會有意外出現，加上你已兩個月未有月經，所以都需要驗孕，去排除懷孕可能性。如果結果係陰性，就建議你要去睇醫生，睇下咩原故未有月經同了解返最新既身體情況。