全身都係毛!

我今年17歲…
由十一二歲開始就全身都係毛
唔係好幼好短個隻 而係又粗又黑又吉 好似男人咁
有時啲毛仲勁過男仔
而且唔止係手腳 上唇 下巴 肚同個背脊都係毛…
肚臍下面啲毛仲好似男人咁 特別長特別黑

加上,我由經期開始黎既時候就從來冇準過,試過半年冇黎,又試過黎足兩個禮拜

依啲問題真係好困擾!我本身把聲已經好沉,加埋啲毛就更加似男人…啲毛仲脫極都會生
有冇方法解釋?

你好,謝謝你的信任,來這裡問問題。你連續兩個禮拜月經,就是經期過長,半年沒有月經,就是排卵的問題了。我會建議你睇醫生調理一下月經先,你體內的荷爾蒙可能有輕微失調的情況,先將月經週期調理好,會對你身體有幫助。

至於體毛方面,體毛不會影響身體健康,但是有些人會覺得濃密不是問題,有些人會喜歡少體毛。先不要因為體毛影響自己的自信,最重要還是你的身體健康。

如果你很想減少毛髮,可以日後經濟能力允許下嘗試激光脫毛。暫時市面上有激光、彩光、脈衝光等脫毛療程,但對於學生來說,價錢是比較高昂的。
平時普通的脫毛方法包括剃刀、拔除機、蜜蠟等等,用剃刀,毛髮再生出來的時間會快一點;蜜蠟拔除,毛髮就會生長慢一點。但是要留意,進行脫毛時一定要小心不要傷害皮膚,以及塗抹潤膚膏。

有體毛是很正常的事情,不需要覺得太困擾。我反而更擔心你經期的問題,你月經時會經痛嗎?

1個讚

你好
見你話體毛同埋經期問題都困擾左你都幾年 有無考慮過去睇醫生呢?
我會建議你不如去睇婦科醫生 做個全面少少既檢查(激素類,超聲波等)
應該可以幫到搵到上述問題既原因