我今日同男朋友發生親密行為。過程中佢冇用套，不過冇插入，淨係喺外面磨擦，最尾仲射咗出嚟，射咗喺patpat。佢事後雖然有即刻抹翻乾淨，檢查過陰道口附近冇精液同即時去沖涼，但好擔心會懷孕。
我一般月經週期係25日，呢一年黎都準時嘅，預計下星期一就會嚟月經（即係月經3日前發生親密行為）。計翻日子，我估計下星期一都會照常嚟月經，唔會懷孕（唔肯定，求解答）。另外仲想知道今次嘅情況有冇機會令下一個月經週期排出嚟卵子受精㗎？ 好擔心，求解答
Hello 你呢個情況懷孕風險相對上係比較低，最主要因為陰莖冇直接插入陰道，陰莖同埋精液精子都冇進入過陰道，咁懷孕風險都比較低嘅。
因為要懷孕，最主要係身體入邊有精子同卵子有機會接觸，就可能會有懷孕風險。如果你哋當時發生嘅親密行為係確保陰莖冇接觸陰道，而且亦冇任何精子進入過陰道，咁同卵子就冇機會接觸，咁風險都比較低。
至於會唔會準時嚟月經就好難講，因為月經受好多唔同因素影響，例如情緒壓力、生活習慣、飲食作息等等都會影響咗，唔一定同性行為有關，而且之前準時係冇辦法確保到之後每一次都一定會準時。
希望幫到你