有食開事前避孕藥超過半年 今個月18號（無套外射）同29號（無套內射）都有性行為18號性行為後冇任何異樣 但係29號嗰次性行為後一日（30號）開始小便之後抹到有血絲 直到2號 琴日3號開始變咗出血 量唔多一日都係幾滴 都係小便之後抹出嚟先見到多啲血 依家食yaz食到最後一排 如無意外應該10號會嚟M 想問吓咁嘅情況大概係咩事？有冇可能係18號嗰次中咗 着床出血？爬文懷疑自己係子宮頸發炎想問吓咁嘅情況我應該要即刻去睇婦科定係等埋今個星期嚟M之後再睇
好擔憂
更新 之前停咗藥計錯咗 係keep住食四個月多 希望快啲有回覆 謝謝
Hello~ 如果你平日有穩定每日定時服用避孕藥，體內嘅荷爾蒙水平係足夠避孕，所以18號意外懷孕嘅風險唔高。著床性出血係點狀少量出血，通常喺受精後6-9日發生，而且只喺一日内有出血情況，日數上同埋同你有連續幾日出血並且有血量增多嘅情況唔相似，所以唔需要太擔心
如果想確認有冇懷孕，都可以喺性行為後7日進行驗孕測試，可以獲得初步結果，如果喺性行為11日後驗孕就可以獲得準確結果～
而小便後連續幾日抹到血絲，有機會係喺性行爲期間造成咗損傷，或者陰道或子宮頸發炎，甚至係其他婦科狀況，所以如果持續出血或感覺不適，我都會建議你儘快諮詢醫生意見
今日變咗真係血色嘅血 如果真係用血形容已經大概留咗三日 個量都係唔多護墊內可承受範圍 食緊yaz仲有兩粒粉紅色藥丸同四粒白色藥丸 應唔應該呢個時間去睇醫生檢查 定係等埋嚟M先有好啲
Hello你好呀～觀察返你嘅情況，其實而家都可以去睇醫生，因為已經有4日連續出血，而且係異常出血，尤其係食緊避孕藥嘅期間。可以同醫生講返，盡咗去了解返自己身體嘅情況。