服用左三個月yaz，今日服用第四個月嘅第6粒。晏晝同男朋友有性行為，拆開避孕套因為環境太暗，難以分辨正反面，將反面掂到龜頭發現捲唔落去，所以即刻反返正面套落去，之後都係有安全措施的性行為。因為擔心掂到龜頭會hi到前列腺液，有小機率懷孕。想知道之前連續食咗三個月yaz能否做到避孕效果？Thank you！
啱啱上網search發現白色藥丸都有避孕效果，但係上個月冇食到，以為純粹係安慰劑（培養連續食嘅習慣）。唔知會唔會斷開避孕效果
因為上上個月都有兩粒白色冇食到
Hello~如果你平日有穩定每日定時服用避孕藥，體內嘅荷爾蒙水平係足夠避孕，所以今次意外懷孕嘅風險唔高，唔需要太擔心
不過你都講得好啱，尿道球腺液(Pre-cum)有機會含有少量精子，所以如果下次反轉咗安全套戴、已經掂到龜頭/尿道球腺液嘅話，就要換過個新嘅安全套啦
下次如果想分辨安全套正反面，環境又太暗嘅話，都可以用手指捽一捽個邊(安全套嘅環狀位置)，可以感受到安全套可以向邊邊推開，咁就分辨到正反啦
同埋你冇理解錯，Yaz 嘅白色藥丸係真係安慰劑嚟㗎，不含活性成分，只係為咗培養/維持每日食藥嘅習慣～ 所以如果你冇食，但有照返相應日數停藥，都係冇問題，唔會影響避孕效果㗎！詳情可以睇返Yaz 嘅官方網站（https://www.yaz.hk/start-the-pill）～
好多謝你嘅解答同分辨避孕套正反嘅tips啊！！我仲有個對於避孕藥嘅疑問
就係好似我上個月24號就服用完粉紅色藥丸，等到29先至開新一排，基於之前三個月都算係連續服用yaz（除咗白色藥丸
），其實呢幾個月直到而家呢一刻都係咪冇排卵同排卵期呢？我擔心嘅係24-29期間，冇服用藥物會排卵（？）如果呢段時間冇排卵嘅話，其實今次懷孕的機率係咪幾乎0呢？Thank you～
Hello～其實事前避孕藥係透過荷爾蒙抑制排卵，只要按時服用，卵泡發育就會被抑壓，可以理解為呢幾個月其實都冇排卵。你有正確服用事前避孕藥，同時亦都有佩戴安全套，懷孕機率都比較微，可以放心。
好的！Thank you～🫶🏻