之前擔心自己中咗hpv,所以走咗去check，做咗個HPV DNA分型，，28種都顯示為陰性，醫生check過話係有珍珠疣同埋油脂粒，冇乜問題。
嗰陣距離上一次性行為大約隔咗一個月到，上網check吓空窗期大約係七至14日咁即係結果應該係好準？
我之後冇發生過性行為，但啲粒粒就越生越多，如果根據個結果，咁基本上生咩都唔係菜花？
嗰陣順便check埋其他性病，全部都係陰性（大約五十天，醫生話梅毒同hiv喺嗰個時期check個準確率已經係100%）
其實我係咪應該放心？
Hello你好呀～首先，一般HPV嘅空窗期為7-14日，喺最後一次發生性行為之後一個月去進行HPV DNA已經可以獲得一個好準確嘅答案，而且醫生都排除咗HPV嘅機會，如果真係比較擔心嘅，可以喺三個月後再做多次檢測，希望可以釋除你嘅擔心。
至於點解粒粒越生越多，除咗有機會因為荷爾蒙變化，亦都有可能因為天氣轉變，令皮脂腺增生，可以考慮保持皮膚乾爽。如果情況變得嚴重，或者覺得會痕會痛，都建議睇醫生啦。
但我依然放心唔到，成日擔心自己有病，成個人開心唔到，不停焦慮。
我喺20幾日嗰陣，去咗社衞check，全部negative
之後一個月check hpv dna ,all negative
五十日做咗p24抗原抗體，anti tp,rpr梅毒，都係negative 。
其實我係咪應該安心同埋一定冇事？
我成日覺得下體有啲痕，同龜頭尿道有啲感覺，係咪單純心理作用,我覺得自己好抑鬱
Hello～根據你嘅檢測結果，所有都係陰性，而且你係做檢測嘅時候已經過咗空窗期，相信都係一個準確嘅結果。
至於點解你有時會覺得下體痕癢或者有尿道炎嘅感覺，可能係你過度關注身體情況，放大咗一啲正常身體狀況，令到你誤解成為疾病，唔好睇小心理壓力帶俾你嘅影響啊，都希望你可以相信檢測結果，放鬆吓心情。
但我包皮長長了很多粒粒，平口、密密麻麻很小的，真的很害怕
正如醫生所講，你呢啲粒粒應該係珍珠疣。想問下呢啲粒粒係咪以往都存在？如果係就無咩大問題，珍珠疣對健康無咩影響，唯一係影響外觀，如果你覺得有需要，都可以選擇激光等治療方式，消除呢啲粒粒。 當然，事前需要向醫生作諮詢，睇吓是否適合，同有冇咁嘅需要才去做。
印象中以往不存在，不肯定檢查時全不存在，因為是近一兩個星期察覺的，會不會是因為磨擦過多易產生？
Hello
如果係呢個情況嘅話，都比較大機會係珍珠疣，通常炎熱同埋潮濕嘅天氣都會令到皮膚出現珍珠疣嘅～
感謝您嘅回覆吖，我上網搵嗰啲相，覺得自己症狀比較似係皮脂異位症，我想問咁樣需唔需要去睇醫生？如果係應該去邊度睇？
同埋我呢段時間有擔心過hpv dna陰莖拭子嘅準確度，其實係咪應該唔會有假陰性？我應該放心啲。
個報告話The Limit of Detection (LoD) of this test is 50 copies/mL，係咪已經準確到唔會驗唔到
Hello~首先因為之前嘅性病測試都係陰性，所以可以排除咗感染性病嘅機會先
而暫時我哋都肯定唔到係珍珠疣、皮脂異位症或其他情況，所以我會建議你先諮詢家庭醫生嘅意見睇睇有無需要處理或跟進
關於hpv dna陰莖拭子嘅準確度，要視乎牌子同測試過程是否跟足指示。如果跟足説明書指示進行檢測，而結果都係陰性嘅話，就可以唔需要太擔心
關於”The Limit of Detection (LoD) of this test is 50 copies/mL”，當身體受細菌/病毒感染之後，體內嘅病毒數量會持續上升，所以只要你喺超過空窗期之後先做檢測嘅話，有病毒點都測到。而結果係陰性，所以真係可以放心啦