我係男仔，早兩日發生左性行為，一開始我用手指指插左個女仔陰道，但我有咬手指既習慣，成日都會咬到流血有傷口，我亦用左有傷口既手指插入左個女仔既陰道
之後帶左安全套性交，期間發現安全套上有血，佢話自己應該係經期黎，佢自己都唔知，應該係第一日。
我好驚會感染性病，想請問會唔會？
如果雙方都無病 會唔會因為月經期間發生性行為而有性病？
帶上安全套性交會唔會感染？
而當時我用受左傷既手指插入佢陰道，但唔見有月經又會唔會受感染？
感謝！
心急人上
首先我一條一條問題咁解答你!!
如果就咁根據你講既去評估有無機會感染性病，就好難講既。不過如果你全程都有使用安全套，受感染既風險會好低。
如果雙方都健康，無任何傳染病，月經期間發生性行為並唔會無端端有性病。性病係要任何一方已感染才會傳染。月經期間發生性行為要關注反而係衛生問題，因為月經期間女性陰道較為敏感，有可能容易感染其他細菌，故建議需使用安全套會較衛生。
如果正確使用安全套可以減少高達 98% 性傳播感染風險，所以有安全措施下進行性行為係相對安全既。
指交感染性病機會相對較低，但仍然存在一定風險。如果有直接接觸感染者體液、分泌物，再加上如果手上有傷口或割傷，感染風險會增加。當中如梅毒、淋病和HIV等性病，都會係指交中有可能傳播。
所以如果你有憂慮，都可以考慮去做檢測。而性病會有潛伏期，係喺呢段時間裏面病毒或者病菌潛伏喺體內唔會有任何病徵，以下就係一啲常見性病嘅潛伏期：
生殖器疱疹（疱疹二型）：約2-5天
淋病：約1-14天
滴蟲：約4-20天
衣原體感染：約7-21天
梅毒：約9-90天
性病疣（椰菜花）：約 1-8個月，平均為3個月
上嘅時間都係一個平均數值，有好多人過咗呢段時間都未出現病徵，其實都係好正常嘅。除咗要睇你當時接觸到嘅病毒量，仲要睇你本身身體嘅狀況健唔健康。建議可以係唔安全性行為後一個月進行第一次檢測，如果結果係陰性就好大機會無受感染，但保守一D都可以係第３個月進行多一次檢測，如果都係陰性就可以肯定無受感染。期間就盡量唔好有不安全性行為，否則就唔能夠檢測你當下係咪健康無感染。
如果你需要檢測，都可以選擇去以下機構做免費嘅性病測試。
政府社會衛生科服務診所：各類型性病檢查（較全面，能即時知結果及比藥）
關懷愛滋：25歲或以下青少年、男男性接觸者－愛滋滋病病毒／梅毒／淋病／衣原體／丙型肝炎
香港愛滋病基金會：愛滋滋病病毒／梅毒／丙型肝炎
再思社區健康組織 (C.H.O.I.C.E.) ：愛滋病病毒／梅毒
希望資訊幫到你，不過你有用安全套都算係安全性行為，唯一係指交呢方面有憂慮，但受感染機會風險唔高，驗一次就安心D。