已經食左yaz 大概5個月(習慣夜晚11點食)，期間有漏服既但都唔超過3個鐘，但前幾日唔記得左食，到第二朝先記得食返(過左10個鐘左右)，當日都照夜晚11點食返藥，然後今日9/5夜晚同男朋友進行左性行為，期間係有帶套既，但佢射左之後再抽插多幾下，到出黎既時候發現個套仲係入面。拉返出黎就發現有少少精液漏左出黎，但唔清楚陰道入面有無漏出黎。事後都即刻去廁所同沖涼，咁既狀況下懷孕既機率高唔高？我真係好擔心
平時食yaz食埋白色藥丸都未黎m已經好擔心
Hello
留意到你本身已手食咗五個月嘅避孕藥，身體已經產生咗藥性，避孕效果相對穩定，如果漏食的話，大部分避孕藥都有12小時Buffer的，換句說話嚟講，假設前幾日過咗10個鐘先再食嘅話，藥效都唔會受到影響。
至於喺佩戴安全套方面，都好欣賞你同男朋友選擇雙重避孕（避孕藥+安全套）嘅方法
但係要提醒返射精後陰莖會變軟，容易令安全套因而滑出，所以正確嘅做法應該射精後就要將安全套除出嚟，否則精液都有機會會咗喺陰道入面，不過因為本身有食避孕藥，所以懷孕嘅風險都比較低。
如果有擔心嘅情況，想確認係咪懷孕，可以去註冊藥房購買驗孕棒，並依照說明書進行驗孕測試，受精卵著床一般需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確
希望可以釋除你嘅疑慮