之前壓力大一時諗唔開去左揾性工作者,諗住人一世點都試一次,環吹完加有套插諗住有套應該都安全。過左幾日下面生左好細粒野,個人又有啲喉嚨發炎,驚中招去左my place book月尾body check,但都係驚得濟去左睇社衞科,個醫生目測話係hpv。而家諗住去私家check真啲同治療。諗到自己第一次有套都中左hpv真係好想死。希望月尾check埋其他無事。成世人做咩都衰,連第一次都中招,而家自己不斷係度呃自己無事。想知有無邊可以有性病心理輔導
Hello 知道呢一刻你好擔心自己中咗性病，都好擔心唔知點算好。
首先，其實呢一刻都未出測試結果，只係醫生目測，所以都未能夠肯定你係咪真係中咗性病，要知道自己係咪真係中性病都要真正等出咗測試結果先。
而且，現時大部份性病都已經能夠醫治，例如好似HPV都係能夠治癒嘅，好返之後亦都唔會有傳染性，所以即使真係有性病都好，只要醫生有為你進行合適嘅治療，有好好處理，一般嚟講都可以好返嘅。
如果你想搵有關性病嘅心理輔導，都可以搵返相關嘅NGO機構，例如你話你book咗MY PLACE，佢哋都係有相關嘅心理輔導，有需要都可以搵返唔同有需要嘅機構幫助。
希望幫到你。
但hpv跟成世同埋衛生科醫生都話左係,而家我係度不斷呃緊自己咁。一諗到第一次就中左就好後悔好無動力。
Hello~你可以想像hpv同生水痘一樣，病毒確實唔能夠完全清除，不過只要當下接受治療 (例如根據醫生指示塗抹藥膏、手術切除椰菜花等)，就會康復
事後維持免疫力健康、做足安全措施，基本上就唔會再復發
想像到明明做咗安全措施都受感染，的確會有啲無力感
不過只要好好處理，就會同其他人一樣擁有健康身體如果覺得面對呢件事真係感到好大壓力，都不妨嘗試MY PLACE嘅心理輔導~希望幫到你