7日前避孕措施失效 之前果日食咗事後丸
之後嘅日子都冇做任何性行為
啱啱今日發現流啡 同平時月經來潮時差啱多嘅分泌物
見到著床出血都會有呢種情況出現 有啲怕已經中招
會唔會有機會著床出血？
另外都想問一問 點樣可以分辦我係撤退性出血定月經？thank you!
唔好意思 我指事後16個鐘左右食咗事後藥
Hello
你係避孕失效之後已經即時做咗可以做嘅安全措施
其實已經好理想，嚟緊身體會出現唔同嘅反應，都係好正常嘅，著床出血同月經最大嘅分別係血量會比月經少，而且日數比月經短，通常只有1至2日。
如果唔確認出血嘅狀況係著床出血抑或月經，又想確認係咪懷口，可以購買驗孕棒並依照說明書進行驗孕測試～受精卵著床一般需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確。
而不論係撤退性出血抑或係月經，佢哋出現嘅原因都係因為子宮內膜脫落，但撤退性出血係由藥物所引發，月經則係一種荷爾蒙引發嘅生理現象。
不過無論邊一種嘅出血狀況都好，假如出血情況有持續或者唔尋常嘅情況（eg 持續粉紅色/點狀），建議諮詢吓醫生嘅意見，了解下實際情況。
希望解答到你嘅疑難