你好，想問吓點解突然之間嚟M？
自己食咗一年多喺家計會買嘅避孕藥，一直都冇漏食情況，因為低劑量(Yaz) hold唔住血量，避孕藥食到中間就會嚟m嚟足10幾日，
所以後期家計會姑娘叫我轉高劑量嘅Gveza避孕藥，一直都相安無事，但係兩個月前做咗婦科檢查，跟住配埋藥 然後呢兩個月開始食到尾2 3粒嘅時候發現，又開始嚟m，血量唔多大概一塊護墊咁，而家個情況感覺有啲似食緊低劑量突然嚟M嗰種感覺，只係短啲
想問吓點解會咁？係咪我身體有啲咩事
同埋需唔需要再去家計會問個清楚，唔該晒
Hello你好呀～你有經期提早嘅問題，有機會係因為對避孕藥有耐受性，身體可能已經習慣咗呢一隻荷爾蒙藥，即使係高劑量亦都有輕微出血嘅問題。暫時都唔需要太擔心，呢兩個月都係最尾2 3粒先開始嚟M，都係一個有規律嘅狀況。不過都建議你約返家計會問清楚，同返護士講有類似轉藥前嘅突破性出血，睇吓需唔需要再轉另外一隻避孕藥，或者其他避孕方法。
1個讚
唔好意思，我啱啱發現原來係我漏食唔怪得知早嚟咗m，suppose今日先係最後一粒，照道理之後先嚟M，但係應該係因為我上星期漏食而搞到提早嚟咗
想問吓如果我開新一排係應該照返平時咁定係點
Hello, 唔使喊住！你好叻咁快發現咗問題，仲主動諗點樣補救，已經好冷靜同負責任～
你嘅情況照返原本嘅食法就得，因為係近期曾經漏食過，如果有性行為，建議要加用安全套（確保避孕效果）。
預防漏服嘅小貼士：
- 每日同一時間用手機鬧鐘或APP提醒自己食藥。
- 將避孕藥放喺手袋或者當眼處，方便每日服用。
明白咁我想問吓咁嚟M係咪會嚟足一個禮拜多啲
同埋如果呢段時間(一星期前漏食咗一粒)食事前嘅Protect係咪會冇晒
正常嚟講，如果你食左一段時間，其實藥效都已經建立咗一排。所以漏食一粒後，你又再有補返嘅話，對個避孕效果其實唔會有好大影響。
不過因為照你呢個情況嚟睇，都好似同事上面咁講，你呢排用多一種避孕方法就會更加好，始終因為都唔確定到你嘅情況。所以建議你都可以盡快搵時間去家計會個邊查詢次。