我18歲第一次同男朋友有性行為
大家都係第一次 其實佢插入嚟我完全冇感覺
都唔知係咪真係入左/入啱
男朋友都話唔知自己係咪真係入左
我哋後入嘅姿勢 然後佢係唔知係咪入左嘅情況下個套甩咗 我哋好驚會有左 點算
Hello你好啊～首先都好明白你哋會好擔心，但係會唔會都可以講多少少？例如男方有冇射精？如果冇射精，即使尿道球腺亦都會存在少量精子，但風險比較低。另外，安全套係插入前定插入後脫落？如果係插入後脫落，陰道殘留精子嘅機會就會比較高。
就係唔記得插入前定後脫落
不過男方係冇射精
其實我係第一次 佢後入嘅時候我好似冇乜感覺佢真係插咗入去咁
同埋發現咗呢個問題之後已經即刻停止咗 仲去咗屙尿同沖涼
不過唔知係咪正常現象 性行為後到今日好似都會有啲液體喺下面流出
Hello, 你好勇敢願意講出嚟問呢個問題，尤其係第一次性行為有疑惑同擔心，好正常㗎！你哋識得用安全套，已經係好好嘅第一步！
係遇到唔清楚嘅情況識得即刻停低，仲去廁所同沖涼清潔，呢個反應好正確㗎～ 你觀察到自己身體嘅變化，亦都好細心，值得讚！
第一次性行為，可能緊張、擔心整痛伴侶、唔知應該點做、性器官未準備好(陰莖未完全勃起、陰道潤滑不足)等都會讓性行為無咁順利或感覺唔明顯。不過都唔緊要，因為無人一出生就識，而且性行為係一種親密接觸，相對嚟講接觸/學習機會少，建議閱讀相關讀物或與伴侶多交流、嘗試、融合嚟提升性行為體驗。
就著你所講嘅情況雖然懷孕風險較低，不過都係存在風險。而家可以咁做，由你或與伴侶一齊決定點做：
-
服食事後藥。如果好擔心嘅話，可以係性行為後72或者120小時內去家計會或者睇家庭醫生食事後藥。
-
驗孕檢查。講咗驗孕棒原理先，驗孕棒係透過檢測尿液中的hCG來確定是否懷孕。當懷孕時，胎盤會分泌hCG，hCG會通過血液進入尿液，因為尿液是血液的過濾物，它也會攜帶hCG。hCG在懷孕的初期迅速上升，而驗孕棒能夠輕鬆檢測尿液中的hCG濃度，從而幫助女性確定是否懷孕。如果有足夠的hCG，結果便顯示陽性，表示懷孕。
受精著床6至9日後hCG開始分泌持續至懷孕第8至12週，之後分泌量會逐漸下降。所以建議性行為後7至11日進行測試，在性行為後7日能夠驗出初步結果，而性行為後11日便會驗出更準確的結果。
至於分泌物如果有異味、顏色異常（黃/綠/帶血）、或者伴隨痕癢刺痛，就要盡快去睇醫生。