已經當天確認了女朋友當天是安全期 但是在做的時候安全套破了 破的時間應該只有一分鐘
如果再加上吃事後藥 懷孕的機率還是很大嗎
家計會要聽日先睇得即係聽日先攞得藥 會唔會令到避孕成功率降低？
因為聽講幾個鐘精卵就會結合 
Hello 知道你哋可能好擔心
你哋呢個情況的確係會有懷孕風險㗎，不過只要盡快食到事後藥嘅話懷孕風險都可以大大降低嘅。一般嚟講只要喺72小時或者120小時內食到事後藥，成效都非常高，懷孕風險都會大幅下降，當然越快食到就越好啦，但係喺時限內食到都有足夠嘅成效嘅。
另外提醒返，安全套穿嘅原因可能有好多，例如size唔啱，或者佩戴方式出錯（例如冇將安全套入邊嘅空氣擠出），或者潤滑不足。
有需要都可以睇吓呢條片，係講解點樣正確佩戴安全套嘅：糖不甩 - 如何正確使用安全套？
希望幫到你
如果當時冇射 加上安全期 再加食埋藥 係咪就可以唔使擔心？
我見我女朋友好擔心 我唔係好識點安撫佢
thx
以上兩個情況比起直接體內射精的話，懷孕風險相對係低嘅，但係就算無射精， 都會有尿道球腺液（俗稱Pre-cum）分泌， 入面會伴隨少量精子，都有機會懷孕， 另外，由於經期未必每次去準確，都會受好多唔同因素影響，所以安全期都唔係一個有效降低懷孕風險嘅方法， 當然。不過你哋喺安全套破裂之後，即時採取咗補救措施，已經係最理想嘅做法～
之後落嚟如果想更安心的話，可以確認一下係咪懷孕，不妨購買驗孕棒，並依照說明書進行驗孕測試。受精卵著床一般需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確。
1個讚