用避孕藥延遲經期

你好,我有食開YAZ避孕藥嘅習慣。
今日原本係食第25粒,即係第一粒冇藥效嘅白色藥丸。
但因為我未來一個星期去旅行,唔想俾經期打亂計劃,所以直接食新一排藥嘅第一粒。
想問如果去完一個星期旅行返嚟想嚟返M,停食粉紅色藥丸並且直接食返四粒無藥效之後再開過一排可以嗎?會唔會因此冇左避孕功效?
定係應該直接食晒新嘅一排佢先嚟M?

1個讚

Hello你好,其實停咗冇藥效嘅白色藥丸,直接開新一排係冇問題嘅。因為有好多人,如果唔想有經期嚟影響自己嘅生活schedule,好似運動員咁,佢哋都會連續食幾排避孕藥,而唔食冇藥性嘅藥丸,等自己持續唔會有經期嚟。
因為我唔知道你開始食避孕藥至今時有幾耐,我建議你最好嘅做法就係,而家開咗新一排你繼續keep住食,食到要食白色冇藥效嘅丸仔嘅時候,繼續完成,然後再開一排新嘅。咁都唔會有影響,亦都係最好計數嘅方法。