已進食YAZ 避孕藥一年，想問以下嘅食物會唔會影響藥效？
1）橙
2）蜜糖
3）醉雞
4）番紅花
1個讚
你好，由於你已經服食避孕藥有一年時間，身體已經建立咗一個好穩定嘅避孕能力。所以我哋只要唔好停止服用，身體都會有避孕嘅功效。
至於你所講嘅四種食物，根據現時所知，其實系對避孕藥功效冇任何嘅影響。
現時，有機會會影響避孕藥丸功效嘅食物，主要係包括：西柚汁或者西柚。另外，有部分嘅抗生素亦會影響避孕藥功能嘅發揮。
如果你有其他比較特別既食物，有懷疑系會影響避孕藥功效嘅，建議先唔好食，同時可以先諮詢一下家庭醫生。不過宜家嘅避孕藥，其實有好多嘢都可以食得，都唔需要特別戒口，只係頭先所提及上面嘅藥物同埋食物係需要注意一下。