19/5我同女朋友上床 但係只用手插入去 唔記得有冇hi到d體液 上個月17/4黎m 而家女朋友推遲左10幾日都未黎m 會唔會有左
間中照有m痛，胸有痛，有爆瘡
你好，根據你所講嘅情況，相信懷孕嘅風險系好低，因為指交其實並冇懷孕風險，亦唔算係一啲高風險嘅性行為。至於你所講，有擔心可能會手指沾有其他嘅體液，而同時進入陰部，呢個情況風險不大。因為如果真係有一啲男士嘅體液喺手度沾到，但精子接觸到皮膚之後好短時間都會死亡，並冇太大嘅機會從手指再接觸陰部嘅時候，而導致意外懷孕，所以你唔使咁擔心。
如果喺上次性行為之後第七日，仍有擔心，仍然未有如期月經來臨，你地可以自行驗孕，如果結果係陰性，就代表冇懷孕嘅風險。