我同男朋友尋日發生性行為果陣，佢喺射完拎返出嚟先發現個condom爛咗，係直頭得返個圈，個頭部完全露出既情況。我平時都有食開事前避孕藥，啱啱黎完m，亦有即刻去買plan b，請問我仲有冇野可以做？
同埋我都唔知心理上點樣面對，應該當冇事定點？定其實只係好少事？
Hello～如果本身有食事前避孕藥，連續食超過7日，每日都係固定時間服用，冇漏食嘅情況，體內荷爾蒙已經會達到有避孕效果嘅濃度，避孕成效都會高達到99%，呢個情況都唔需要太擔心的。
不過假如性交後安全套破爛脫落到得返外環，反映磨損情況比較嚴重， 有機會係出現以下幾個情況：
(1) 安全套過期，令入面嘅潤滑劑或膠質變質
(2) 安全套尺寸唔合適，產生破裂
(3) 潤滑劑不足，導致磨損破裂
所以需要揀返適合尺寸嘅安全套，同時都要睇返安全套嘅使用效期，同時跟返步驟佩戴安全套， 如果安全套本身嘅潤滑劑唔夠的話，都會建議喺性交過程入面，添加水性潤滑劑～佩戴安全套詳細步驟可以參考以下影片：
如果真係好擔心的話，受精卵著床一般需要6-9日，所以係性行為後7日已經可以有無懷孕，你可以購買驗孕棒並依照說明書進行驗孕測試～，而係11日後或者預計經期嘅日子驗孕結果會更加準確。
希望解答到你嘅疑難 