Hello，我連續食兩排yaz藥丸，期間skip咗1次4粒白色無藥力藥丸。
目前，琴晚食完第二排第四粒白色藥丸，但係都冇出現撤退性出血，咁我係應該繼續開新一排藥丸，or等撤退性出血再開始新一排yaz好？
我每日都有食yaz，應該可以排除懷孕機率？謝謝～
Hello~ 正常停食避孕藥後，體內荷爾蒙水平回落，就會出現撤退性出血
而家有機會係身體仲需要少少時間調節返荷爾蒙水平，所以仲未出現撤退性出血。一般嚟講，婦科醫生會建議服食事前藥期間，最少每3個月要嚟到一次「月經」（撤退性出血），所以目前可以考慮兩個做法：
1）照樣維持返個規律，到應該食下一包嘅時候照樣開始食下一包，睇吓下個月嘅停藥期會唔會好快就出現到撤退性出血，如果都係冇，可以用第2個方法：
2）等到撤退性出血出現以及完結，排清咗啲血之後先至重新開始服藥，但就要喺服藥嘅頭兩星期使用額外安全措施，咁就可以兼顧身體健康同埋避孕功效喇～
另外，如果過往有按說明書指示，定時服用避孕藥，就幾乎可以排除懷孕機會 當然想最安心嘅話都可以使用驗孕棒再做檢測，你可以喺性行為後第7日起進行驗孕，可以獲得初步結果；喺第11日起進行驗孕，就可以獲得準確結果。
1個讚
謝謝回答～
另外想進一步請教關於第二點，「等到撤退性出血出現以及完結，排清咗啲血之後先至重新開始服藥」，其實可唔可以係第一日出現撤退性出血時候，就服用新一排嘅yaz？繼而再維持2星期使用額外避孕措施，謝謝～
Hello, 關於你嘅補充問題，答案係可以㗎！如果你喺第一日出現撤退性出血時就開始新一排Yaz，同時頭2星期加用安全套，咁樣係冇問題嘅~
Yaz本身係低劑量避孕藥，即使提早開始新一排，身體都可以適應到；只要頭7日有加用安全套（想更保險用足2星期更好），就可以維持避孕效果；提早開始食新一排，可能幫你穩定返荷爾蒙，減少下次又遲出血嘅情況。
我地同事提及兩個做法都用得，最緊要係己覺得舒服同安心！如果之後再遇到類似情況，或者出血模式變得好唔規律，可以考慮去醫院/診所檢查下，保持觀察~
1個讚