我對上果幾個月都係月頭黎m，但我2月冇黎到，2月頭仲有一日通頂，2月中同尾仲好夜瞓，五知關五關事。
到以家3月頭都仲未黎。。。但一直都有同另一伴有性行為。
而且我用驗孕棒驗左3次，都係冇，我驚我五識用，五知會五會岀錯。
個肚都脹脹地，呢幾日陰部仲岀現痕癢嘅情況。
點算？
休息唔夠、生活上面嘅壓力都會影響月經週期嘅。以前有無試過隔咁耐都唔黎呢？
如果用驗孕棒驗過3次都係陰性，懷孕嘅機會真係比較微。但你呢段時間發生性行為時，有無做好安全措施呢？
有好多種原因都會令個肚脹脹地，可以係差唔多黎經，亦可以係腸胃問題。陰部痕癢係近來先有定係點？有無伴隨多左白帶甚至有異味？
1個讚
呢段時間都五係全部做足安全措施，但沒有內射。
陰部係呢兩三日先痕，二月尾有時會有透明野流岀，現正甚小。
如果唔係做足安全措施，咁樣又會提高返懷孕嘅機會。一來即使無黎月經，都仲有可能有正常排卵。而男生興奮時分泌嘅前列腺液，充已經有足夠精子成孕，所以唔內射絕不是有效嘅避孕措施。建議你真係再黎月經前，暫時唔好有性行為先。
陰部痕癢有可能同近來轉天氣都有關係。天氣暖左潮濕，而好多人仍然著焗身嘅厚絲襪同legging之類，咁樣係好易焗到出汗，潮濕環境令細菌滋長，刺激到皮膚。保持陰部乾爽可以令個感覺舒服啲。
1個讚
好的，五該哂🙇🏻