Hellooo,我對上一次明確嚟m係18/4~24/4，但喺去到5月嘅時候成個m期就有啲古怪：
08/05: 戴套做（用水check過無漏）
10/05-11/05: 護墊有五蚊銀大細嘅血點
12/05-13/05: 大過五蚊銀嘅血點
14/05-15/05: 流血（我估係嚟m）
16/05-17/05: 五蚊銀大細嘅血點，同埋流啡
18/05-20/05: 有流少少啡
23/05 & 26/05: 戴套做（用水check過無漏＆non vaginal ejaculation）
28/05: 流半張護墊份量嘅水狀啡
29/05: 水狀白帶，有極少量血絲
30/05: 半張護墊嘅稠啡，同埋有啲類似tissue嘅物體
31/05: 水狀白帶，同埋啡
01/06-02/06: 水狀白帶，同埋少量啡，下腹部痛(5/10分)
30/4-7/5 係Exam Period，可能壓力有啲大？同埋大部份時間流啡都發生喺黃昏/夜晚，想問下會唔會有咩大嘅問題
？定喺純粹Exam Period 壓力大搞到咁？
Hellooo~ 讚吓你觀察得咁仔細~ 記錄低出血嘅時間、份量同特徵、仲有用水check安全套真係好重要，你做得好好~
首先講吓月經，月經係由人體幾個繁複嘅系統互相影響下形成嘅生理現象，所以好容易受到其他因素影響月經週期嘅長度，例如飲食、作息、荷爾蒙分泌、服藥、情緒等等，都會影響到月經。
而壓力影響好常見！Exam period嘅壓力可能打亂荷爾蒙，令子宮內膜唔穩定，出現「突破性出血」（即非經期出血）。你嘅情況係考試期間開始+出血量少+啡色分泌物好符合呢點。另外血點可能係排卵期出血，通常1-3日自己停，不過壓力會令佢更明顯。
至於流啡持續(發生時間無影響)+有組織狀物體(30/5)，可能係陰道/子宮頸有輕微損傷或炎症，建議尋求醫療檢查。
建議觀察多1-2個月經週期，減壓＋休息，睇吓會唔會回復正常。流啡期間多用護墊仲要勤更換就得。最近你同伴侶嘅性行為都有用安全套，懷孕風險可能性係極低。
你嘅情況暫時唔使太驚，但如果下個月仲係咁，或者出血變鮮紅＋多量，就一定要去睇醫生啦！考試辛苦喇，記得多休息啊～
Thank you for replyy, 最近都冇流啡lu，不過琴日今日有discharge有少少血絲(可能因為就嚟嚟m?個app predict 09/06 嚟)，雖然冇流但喺都搵咗醫生拎Referral睇一睇專科好啲:P
係呀
見你都好詳細有記錄低身體變化，都建議睇埋專科，就放心啲。
不過另外，如果之前有類似嘅情況出現過嘅，都記得同醫生提及埋，咁會比較好～