啱啱3號夜晚發生性行為 冇全程用套(大概幾分鐘冇用之後有乖乖用返 完事有檢查過個肚係安全嘅） 啱啱停咗事前避孕藥一個月 正常應該6/7號嚟月經 今日係所謂嘅安全期 如果呢種情況懷孕嘅機會大唔大
需唔需要食事後？衰一時心較比對方無用足全程套 希望得到解答thx thx
如果到星期六/日都未嚟m再去食120小時內嗰隻事後藥又得唔得？
你好, 其實人地既性行為同不安全性行為無分別，因為無套個幾分鍾已經有機會有精子進入陰道，加上你又停左事前避孕藥一個月，情況同無任何安全措施無分別。
宜家你應該考慮服食事後藥，你要計計時間把握明天機會服食事後藥。
建議可以考慮盡快預約家計會診所／母嬰健康院／部分私家診所睇醫生，食返藥。緊急避孕藥係用高劑量嘅荷爾蒙去抑制排卵、阻礙卵子受精、同埋令受精卵難以著床，達致緊急避孕嘅作用。所以事後藥係有時效嘅，要喺性行為72小時（ 單一荷爾蒙）或者120小時（黃體激素受體劑）內食。如果有正確服用，而且食完短期內冇嘔吐或者嚴重腹瀉，避孕成功率係好高嘅。
事後藥係香港係處方藥物，即係要睇醫生，由醫生處方。而且由於事後藥含有高劑量荷爾蒙，並唔係每人嘅身體都適合食，醫生會檢查身體，詢問病史，認為情況適合先會處方。如果唔適合食事後藥可以性行為120小時內置入子宮環作為緊急避孕嘅方法。
如果係藥房買嘅事後藥，有機會係來源不明、成分不明，或者冇有效成份嘅假藥。 由於唔係食由醫生處方嘅時候藥，並唔能夠肯定係咪有避孕功效。你地盡快去處理下。
只要係性行為後限時內服食就有效，遲左就無效。