我打咗5個月逐個月打嗰種避孕針，而家停咗第二個月，停第一個月針嘅時候有正常嚟m，但第二個月，即係而家突然之間冇m嚟，有谷住谷住嘅感覺，喺冇嚟m第9-10日驗咗冇懷孕，但都仲係未嚟m，性行為完全安全，有帶啱套，但都好驚，我可以點做
你好，首先你可排除左懷孕先，至於經期一直未嚟嘅原因，好大機會係停咗打針，因為身體一直使用人造荷爾蒙取代自然周期，所以如果冇按照平時嘅schedule打針，月經周期會變得唔穩定。因為停用避孕針或避孕藥的人當中，間唔中都會出現月經唔嚟，或者嚟得不正常嘅現象，例如月經量較少，或週期較長等情況。大部分原因都係因為身體喺停藥後未適應，亦可稱之為荷爾蒙失調。呢個情況通常都會喺幾個月之後自然回復正常。如果你嘅月經喺未使用避孕針之前都係不準嘅，咁停針之後亦有可能不準。如果情況持續，應該睇醫生檢查，排除其他引起月經失調嘅原因，但可以先再觀察下５至７天，睇下月經情況。