5月31開始有少少粉，而6月1號凌晨就確實黎m
然後1號晚9點就食咗優悦避孕藥 正常計嗰日應該都算係計第一日？
食咗5日藥後，然而我今朝8點幾就喉嚨痛，起身食咗粒幸福止痛素，到晏晝2點幾就同男朋友無套性行為 但就冇內射既
我想問 我見係寫經期第一日食藥 個藥效就會即刻生效
係咪即係唔洗食夠7日內射都唔會有事？
但我今朝早又食咗止痛藥 止痛藥係咪會同避孕藥相沖？
麻煩回答下我
十萬個問號
可唔可以盡快回覆下我
Hello
你食嘅避孕藥的確提到，係月經週期的第一天開始服食，避孕效力會即時出現。但係因為每個人身體都唔同，未必個個人身體都適合食避孕藥，有啲人可能身體會有唔同反應，所以更保險嘅做法係食頭7日都用返額外安全措施，例如安全套。
而體外射精並唔係一個理想嘅安全措施，因為陰莖性興奮時可能會分泌尿道球腺液（pre-cum），雖然本身係冇精子，但係如果尿道殘留有精子嘅話，都會隨着尿道球腺液留喺陰道入面。
至於你提到嘅止痛藥係唔會同避孕藥相沖，除非有額外使用抗生素，就會有機會影響避孕藥嘅藥效。
希望解答到你嘅疑問
咁我想問呢個情況係咪唔需要食事後都OK？
因為體外射精唔係高度有效嘅避孕措施，雖然而家啱啱開始食避孕藥，會有避孕嘅效果，但係未食夠七日的話，未將藥效發揮到最高，呢個情況會建議可以查詢一下醫生嘅意見，由醫生判斷返需唔需要食緊急避孕藥～
因為食避孕藥之前冇特登睇醫生先食，所以都想知中既機率係有幾高，加上優悦個避孕藥話係黎經既第一日食已經會有效果，所以都想再問清楚啲
Hello~根據優悦避孕藥嘅官方網站所寫：「妳可以在來經的第一天或在妳正常來經後的第一個星期日開始服藥，請確保在服藥的首7天使用額外的避孕措施 (阻隔式)」
所以即使「在月經週期的第一天開始服食，避孕的效力會即時出現」，但只係食咗5日，仍然需要使用安全套。換言之而家都係有意外懷孕嘅風險
我會建議你盡快諮詢醫生意見，睇睇需唔需要食緊急避孕藥
只要喺發生性行為後120小時內服用，就可以有效減低97-99%嘅懷孕風險