我14歲男仔，好好奇青少年女仔有冇自慰習慣，如果有會點樣自慰，我試過問一個女同學，但佢覺得變態，唔肯搭我。
Hello你好呀～都明白踏入咗青春期係會對性和身體產生好奇，但係都要跟從正確嘅途徑去學習知識。關於你問女同學嘅問題，有機會觸犯到佢嘅個人界線，例如問到有關於性意味或者佢哋嘅私人習慣，唔係每個人都願意同其他人分享，會感到反感，所以先會有佢覺得你係變態嘅情況出現。有問題嘅時候可以先問吓屋企人或者學校老師社工，相信成年人會比同學更有效率去解答你嘅問題。
至於有關於女性自慰，書本同網上都可以搵到相關嘅資料，一般都會以刺激陰蒂或陰道為主，以下參考吓以下文章 自慰方式
但想知女仔多數幾歲同點樣發掘自慰的途徑
Hello, 欣賞你願意主動去了解呢啲話題，而唔係靠亂估或者睇啲唔準確嘅內容，呢點真係好值得讚！
Q：女仔/男仔幾歲開始探索自慰？
A：每個人嘅身體發展同好奇心都唔同，所以冇一個「標準年齡」。有啲女仔/男仔可能喺青春期無意中發現自己嘅身體變化或反應，有啲可能更早或更遲先開始探索，甚至有人冇興趣，全部都係正常嘅。而自慰係一種自然嘅生理探索，唔需要覺得尷尬或羞恥。
Q：女仔/男仔點樣發現自慰㗎？
A：正如頭先咁講可能無意中發現嘅，例如：
- 日常活動，係運動、沖涼時摩擦到陰部，可能會有奇怪但舒服嘅感覺。
- 青春期變化，身體發育時，荷爾蒙變化會令陰部（陰蒂、陰莖等）更敏感，容易產生好奇。
- 可能透過朋友、書本或網絡知道「原來可以咁做」。
自慰都有需要注意嘅嘢：
- 探索身體，一定要保持手部同環境衛生，避免感染。
- 自慰唔會影響健康，亦唔代表「壞」或「淫穢」，係正常嘅生理現象。
- 每個人嘅身體同喜好都係私人嘅，唔好隨便問女同學或朋友呢啲問題，避免令人尷尬。
你好乖，識得用正確方式去學習性知識！記住尊重自己同他人嘅身體，唔好急，慢慢了解～ 
有咩問題隨時再問！
但想問點解有啲女仔會自己冇性需要，就算有自慰都唔敢講，同埋青春期女仔會唔會好易濕
性需要同其他生理需要一樣，都係因人而異，而且都未必能夠問埋第一個有無性需要/有幾大嘅性需要
所以都好難答點解有啲人會無，因為佢地可能係天生無咁大需要/唔為意自己有需要/或暫佢地真係純粹無講，甚至其他原因，因為每個人嘅天生體質就係會好唔同。
另外，對「自慰污名化」呢樣嘢，我諗當中牽涉到可能係一啲社會嘅風氣同埋文化習俗例如係華人社會對於性，普遍嚟講可能係比較負面嘅印象，而且認為女性唔應該公開地討論相關題目。呢啲嘅文化、定型，同社會風氣，都會影響到大眾嘅行為同諗法所以可能就會令到比較少女性會提及自慰嘅議題。
最後，一般嚟講女性係青春期開始後，會因為荷爾蒙變化而令到分泌物增加
不過唔代表所有女性係青春期都會比較「濕」，只係佢哋由呢個時期開始，分泌物會比以往仲係小朋友嘅時候多。