頭先同男友做，佢射完拎返出嚟嘅時候，發現套套好似有漏，佢下腹上面都有啲疑似精液嘅液體。套入面精液量少過平時，唔知會唔會係因為佢琴晚有打飛機所以少，定係真係因為我喺佢射完輕輕喐多咗兩下而漏。如果我冇記錯，我應該係6-7日前排卵，請問懷孕機會大唔大？同埋食事後有冇用？
謝謝
Hello 因為呢個情況都唔清楚安全套有冇漏，如果真係漏咗有精子精液係陰道，都會有懷孕風險，所以都會建議睇返醫生，再由醫生安排食事後藥。
下次如果再發生類似情況，都可以係事後裝水落安全套做測試，如果裝完水之後安全套都冇漏水嘅話，就應該代表安全套冇穿漏情況，就唔洗擔心。如果發生有漏水，就代表安全套有穿漏，就會有風險啦。
希望幫到你。
另外提醒返，事後藥需要喺性行為之後72或者120小時之內食用，只要喺時限之內食到，避孕成效都好高嘅。有需要嘅話，都建議盡快去睇醫生，或者家計會，睇完醫生之後，再由醫生判斷處方事後藥。