今年13,從小四開始打飛機,一日一次,自從11歲開始有精夜出到後,都係高潮完先流出嚟。唔係真係射出嚟嗰種感覺,請問係咪應該停打飛機一排先？同埋有咩建議？thx
Hello
普遍出現射精無力嘅情況，有機會係（1）肌力不足；另一個比較常見嘅原因係（2）壓力所致，焦慮、緊張都會令到大腦對性生活調節能力減弱，仲有一個潛在因素係（3）性興奮度不足，大腦未被完全激活，所以對於射精嘅反射動作會有延遲。
如果11歲開始到而家每日一次射精，有機會係肌力不足/性興奮度不足，導致大腦習慣咗日常嘅刺激，所以反射動作會變慢。同時之間，13歲嘅身體機能尚未完全發展成熟，導致射精出現延遲，同時一個可能係自慰嘅方式「唔正確」，例如太早鬆手，或者扯到包皮等等～
當然都可以透過減少自慰（例如一日一次>三日一次etc)，睇睇身體狀況有冇改善，假如冇改善的話，就需要諮詢泌尿科醫生嘅意見。
雖然醫學上並冇話一日最多可以自慰幾多次，反而可以思考吓自慰嘅目的，例如想滿足慾望？抑或係減壓嘅方式？定純粹儀式感？如果係為咗減壓或者儀式感嘅話，會需要思考下身心係咪出現狀況。
假如想減少自慰嘅行為，可以建立多啲其他興趣，例如透過做運動宣洩精力，轉移注意力，從而調節返自慰嘅次數～
希望解答到你
1個讚
首先多謝你嘅解答,想問返太早鬆手及扯到包皮係咩意思？自慰有冇咩正確嘅方法？thx
想問多少少，你提到有精液流出來，請問你高潮完後流出來的液體是什麼顏色（是透明還是奶白色）？份量多唔多（是一兩滴還是一大灘）？我懷疑你仲未開始正式發育，流出來的並非精液，或許只是尿道分泌物。正常來講，當男仔進入青春期後，睪丸和性腺發育成熟，自慰刺激龜頭到高潮時會射出奶白色的精液，並非流出來。
另外，可否詳細一點描述一下你所謂的高潮感覺？你每次自慰多久才會有這高潮感覺？達到高潮時候身體有什麼變化？高潮時陰莖有否變硬和勃起？
Hello~自慰並無所謂「正確」嘅方法，只有自己享受嘅方法，當然都有一啲注意事項：
- 力度適可而止。有時可能為咗更強烈嘅快感，而粗暴套弄陰莖，導致繫帶輕微撕裂同出血，所以最好係控制喺適中力度同幅度。
- 需要時使用適當的潤滑液。陰莖喺性興奮嘅時候會流出尿道球腺液 (Pre-cum)，有人分泌得多啲，有人分泌得少啲，如果有需要加強潤滑嘅話，可以使用水性潤滑液，方便清潔之餘，比起其他液體亦有較低發炎風險。
同事提到有機會「太早鬆手」及「扯到包皮」：「太早鬆手」意思係指如果陰莖到射精時未有充分刺激，海綿體肌就未能完全收縮，繼而未有「射精」，而只係「流精」；而「扯到包皮」意思係指自慰時拉扯到繫帶，造成刺痛感覺，減低當下快感，所以同樣地未能充分刺激陰莖。當然呢兩個情況都係因人而異，未必完全係造成你而家呢個情況嘅主因，你都可以再慢慢摸索如何有效刺激陰莖，以及嘗試減低自慰次數，睇睇會唔會有幫助~~
另外的是，除了射精冇力之外，身體其他部分有沒有發育的跡象？例如下陰開始生出恥毛，開始長出鬍鬚等，這些男仔發育的第二性徵都是男生開始發育的徵兆。
若只是射精冇力，這情況在減少自慰行為後仍然持續，都建議你尋求醫生的協助找出原因。
白色的液體,要推包皮才能流出來,另外,已有陰毛,但末有鬍鬚及喉結。
自慰過程和高潮流精時有沒有疼痛等不適的感覺？高潮時，陰莖是否能正常勃起，龜頭是否完全外露？
沒有不適的感覺,另外,在勃起時龜頭未能完全外露
通常，男生在高潮射精時，包皮會自然退到後方能露出龜頭。你可能有包莖或包皮過長的問題。
有沒有試過翻開包皮用手直接刺激龜頭自慰？這樣自慰的話，能否正常射精？
末試過, 因為太敏感, 同埋想問下會唔會有機會打得太多 所以係射嗰一下噴發力冇咁強？ 變咗淨係射到好少出嚟, 淨低嗰啲都係流出嚟？
噴射力和打飛機的頻率沒有必然的關係，且你還很年輕，打飛機的年資尚淺，理應射精能力相對很強才對。我已年屆四十，每週仍keep住射精4次，但精液的量也唔少。當你keep住射精，身體會適應你的自慰習慣而增加分泌。每次射精的精液份量除了和射精頻率有關，還會和遺傳有關。
Hello, 多謝你詳細分享~ 你嘅情況好常見，尤其係青春期男仔，綜合晒所有問題同資訊，嚟個小總結啦~
Q: 精液流出而唔係射出?
A: 就如我地同事及網友提到，你而家13歲，仲處於青春期（已有陰毛，但未生鬍鬚/喉結），性器官同肌肉未完全成熟，所以射精力度可能未夠強。自慰頻率一日一次唔算過量，但如果精液量少或感覺「射冇力」，可以試吓減少頻率，等身體儲多啲精液，射嘅感覺可能會更明顯。而係青春期初期精液量較少同力度弱係常見現象，唔使太擔心！
呢到補充下精液嘅生成時間，成熟精子約需 64~72天。尼個過程係睪丸嘅曲細精管度進行，依賴荷爾蒙（如睪固酮）調節。新生成嘅精子進入附睪後，需經過約2週嘅成熟過程，就獲得運動能力同受精潛力啦。
從精子產生到可射出約3個月，但每次射精後，新嘅精子會持續補充，所以健康男性可每日或隔日射精，但頻繁射精可能導致精子數量暫時減少㗎。
Q: 包皮過長同龜頭敏感
A: 如果勃起時龜頭未完全露出，呢個情況叫「包皮過長」，如果冇發炎或疼痛，可以暫時觀察，隨住發育，包皮可能會自然退後。如果包皮翻開困難、排尿困難或反覆發炎就需要睇醫生啦。而龜頭敏感，因為龜頭長期被包皮包住，直接觸摸會好敏感，係正常嘅！如果想試吓翻開包皮清潔或自慰，可以沖涼時慢慢推開少少，等身體適應。
Q: 有咩自慰方法?
A: 正如我地同事所講，冇所謂「正確」嘅自慰方法，但可以試吓唔同節奏同力度，睇吓邊種最舒服同有快感。避免太粗暴，可以用少少水性潤滑劑，減少摩擦不適。
Q: 會唔會自慰太多影響射精?
A: 目前冇證據證明自慰頻率會直接令射精力度變弱，但如果你覺得快感下降或精液量少，可以試吓自慰減少到每2-3日一次，觀察有冇改善。或者做運動、培養興趣，減少純粹因為習慣而自慰。如果減少自慰後，射精力度仍然冇改善，或者伴隨疼痛就要睇醫生啦。
最後，你嘅身體仲發育緊，變化係正常嘅！提醒每日輕輕清洗包皮內側，避免細菌積聚。你已經好細心留意自己嘅身體，呢點好值得讚！如果有其他疑問，隨時再問我地~