想請教下，我係經期第一日開始食,目前已經食左20日，食左之後經期明顯加長，約莫6-7日先無鮮血。但之後幾乎每日都有少量淺啡紅色分泌物，咁樣係咪正常呢？另外，呢兩日開始感到腹部間中會漲痛，有小小似經期前既谷M痛既感覺，呢種感覺係咪都係正常？係咪會持續到食完粉紅色藥黎M先會無事。
再者想問經期加長同分泌物既問題係咪只要長期食藥就會Keep住出現，會唔會等身體適應後就會好D？
你好，謝謝係既問題，首先唔使太過擔心。
女性服用口服避孕藥嘅初期，出現常見嘅副作用包括：乳房漲痛、噁心、輕微陰道出血、體重增加、頭暈、情緒低落等。之後服用得耐D，身體適應左藥效，情況就會有好轉，無需太擔心。
如果持續正確服用避孕藥，即使經期期間係無服藥（21粒款避孕藥）／服用含非活性成分嘅藥丸（28粒款避孕藥），只要之後有依時開始服用新一排嘅避孕藥並有正確服用，身體會慢慢適應藥效。
總括黎講，因為事前避孕藥都係屬於荷爾蒙藥物，即使依家藥物一般都係較新嘅一代，劑量亦都係好少，但係始終都係屬於外來嘅人造荷爾蒙，都有機會令你身體出現變化（例如分泌物量增多、體溫稍微升高），但原則上身體狀況變動嘅幅度唔應該太大。如果身體有出現明顯變化／感到不適，都建議儘快同醫生講你嘅情況，睇下會唔會有需要換其他牌子嘅避孕藥，或者會唔會本身身體唔太適合服用避孕藥。
多謝回覆，而家食到第一盒既第3粒白色藥丸，但重未見到有鮮色既血，如果食完白色重係未黎M，係咪都要照開一盒新既藥黎食?
請繼續照食唔好停藥，如果持續食嘅時候仍然覺得身體有異樣，可以搵醫生睇吓，了解下自己究竟適唔適合使用事前避孕丸作為安全措施，但暫時可以繼續服食。
1個讚