你好啊 由於我自己一直都好害怕會有懷孕嘅風險 但係又想有正常性關係 所以同男朋友傾好咗盡量只係安全期發生性行為 而且全程用安全套加外射加灌水測試 但係一啲前戲嘅愛撫其實都無可避免 例如隔住內褲磨擦好多時可能雙方嘅內褲都會濕咗 又或者驚佢掂到自己嘅pre-cum再用手指放入我陰道 會有機會將啲pre-cum帶埋入去。。。呢一種焦慮喺我每個月發生性行為之後都會無限放大 其實呢啲前戲嘅性接觸導致懷孕嘅風險大唔大？
自己睇過好多網上嘅forum亦都有同朋友傾過 但都得唔到一個好大嘅reassurance 始終pre-cum係有機會導致懷孕 每次等月經到嘅時候就好煎熬 會不斷回想過程中其實係咪有機會中咗
另一個原因我諗就係因為屋企人比較保守 覺得唔應該有婚前性行為 所以會令我覺得自己偷偷地瞞住佢哋做呢件事有啲愧疚 更加驚意外懷孕嘅話自己無法承擔後果。。。呢一樣嘢由大學嘅時候已經一直困擾住我好幾年 而我想像到如果得唔到一個好好嘅解決嘅話之後都會係咁
我都好想好似其他女仔咁 有正常性生活而做足安全措施就唔需要太焦慮
我都有research過唔同避孕嘅方法 但係自己偏向唔想食荷爾蒙藥或者喺身體入面植入外來嘅東西 想問下係咪無論安全期定係危險期 只要有正確使用安全套就可以？
多謝你哋睇晒同埋解答我嘅煩惱
🫶🏻
你並唔係孤單一個人面對的
如果呢件事已經影響緊你同伴侶嘅關係，可以坐低同伴侶傾吓，表達你嘅擔心；如果心理上未準備進行插入式性行為，都可以進行懷孕風險比較低嘅行為（例如愛撫/口交/指交），到心態上準備，再決定要唔要發生性行為。