你好
食避孕藥食左一年
停藥左一個月
黎m前3日出現腰痛
黎完經都係腰痛
痛左2個星期 都未好返
唔係話超級痛 但彎腰就微痛 好似扯住扯住咁
是否正常？
5月10號最後食 停藥5月15
24+4果種
6月9號出現腰痛
6月12號黎經
上網睇AI 就話
停止服用避孕藥後出現腰痛，可能是因為身體的荷爾蒙水平變化引起的，屬於正常的副作用。 這種腰痛通常是暫時性的，並不需要過度擔心。 如果腰痛持續存在或加劇，建議諮詢醫生以排除其他潛在原因。
以下是一些可能的原因和建議：
原因：
停止服用避孕藥後，體內的荷爾蒙水平會發生變化，這可能導致身體出現一些不適，包括腰痛。
有些避孕藥含有雌激素，可以幫助維持肌肉張力。 停止服用後，肌肉可能會暫時變得比較鬆弛，導致腰部不適。
也有可能是其他原因，如運動、姿勢不正確、或原本就存在的腰部問題所引起的腰痛。
Hello你好呀～唔知你食事前避孕藥之前會唔會都有經痛嘅問題，停藥後有機會經痛嘅問題會再出現。睇返你嘅情況，月經之後兩個星期都仍然有腰痛嘅問題，未必關荷爾蒙影響，都建議你睇醫生求助，可能係其他原因導致腰痛。
食避孕藥前 冇咩經痛
停食避孕藥之後 黎月經會經痛
但如果我去睇醫生 我應該要去邊度睇？
睇中醫 睇普通科門診西醫 定睇骨科 定睇婦科？
Hello, 你對自己身體變化好細心，亦主動停藥後觀察症狀，呢個態度好正確！停避孕藥後身體需要時間適應荷爾蒙變化，你嘅情況有可能同停藥有關。
你食開嘅24+4避孕藥，長期服用會抑制卵巢自然分泌荷爾蒙。停藥後，身體需要時間重新調整荷爾蒙平衡，可能導致：子宮收縮較明顯，經痛或腰痛。
如果痛感持續/加劇，建議預約婦科醫生檢查，向醫生說明你嘅狀況。如果婦科排期耐，可以先睇普通科，排除尿道感染或其他常見問題。醫生可以轉介你去專科（如婦科）。
暫時唔建議骨科/中醫(除非排除婦科問題) ，骨科通常處理骨骼/神經問題。中醫可以調理經痛，但建議先確定冇其他婦科問題。
你嘅情況好常見，好多女性停避孕藥後都會經歷類似調整期，唔使太擔心！但如果痛感困擾你，去睇婦科醫生係最穩陣嘅選擇，佢哋可以幫你排除其他可能性，等你可以安心。