我已經食咗避孕藥2年多，呢幾個月嘅經期都好少血，好快完，上個月甚至只係嚟咗1日，今個月停咗藥過咗4日都未嚟。
我啲藥係家計會買嘅，每次攞藥都會檢查（血壓之類），醫生亦都講食避孕藥食得耐就有機會越嚟越少經血，係正常。因為我試過好多唔同避孕套牌子都會好不適，所以決定食藥。但食藥之後嘅情況令我好擔心自己身體，見到好多關於副作用嘅post都有啲擔心。
仲有冇其他避孕方法建議？或者話我知我嘅擔心係杞人憂天
你好，首先回覆你嘅問題。見你都食咗超過兩年嘅事前避孕藥，通常服食避孕藥作為安全措施，都會都會建議大家喺服食超過一年左右嘅時間，都需要同醫生睇吓自己嘅身體狀況，仲適唔適合繼續使用避孕藥。不過見你每一次攞藥都會有經過醫生檢查，即係喺醫生安嘅指示下安全服食避孕藥，如果身體唔喺服食嘅期間冇出現任何好大或嚴重嘅副作用，例如：血壓問題或者長期感到身體不適，其實唔需要太過擔心佢嘅副作用。亦即係代表你適合使用或者服食呢一款嘅避孕藥。
而目前為止，長期服食避孕藥引起好大或好嚴重嘅副作用嘅案例並不多，所以都可以繼續服食避孕藥作為安全措施。只要喺服食一段時間，例如：半年或者一年左右，經過醫生檢查身體冇太大嘅副作用，或者健康問題，其實並唔需要太過擔心。不過你亦可以了解下其他嘅安全措施，睇吓適唔適合自己採用。
你提及到使用避孕套安全會令你不適，咁你可以繼續採用荷爾蒙式嘅避孕方法，例如：事前避孕藥。但如果你真係擔心長期服食事前避孕藥會有引起副作用，亦可以考慮向醫生了解下其他荷爾蒙式既安全措施，例如：避孕針、子宮環等。
希望呢啲資訊可以幫到你。