6月21&22 同男友做咗分別一次（total 2次）condom無論係擺入去之前 定係中途 或者最後都有檢查 都冇穿窿 做得耐 亦都有換新套 兩次男友都冇係入面射 靠最後自己拎出來打飛機攪掂 完事後我都有即刻去廁所&沖洗妹妹
正常我應該25/6左右嚟第一日 而家已經係28/6 應該係m嘅第四日 但仲未嚟 3個月嚟一直有食天喜堂嘅天喜丸（調下經 因為有經痛問題）唔知會唔會有啲咩影響 本身嚟m前會谷m、胸脹 但呢啲feel都冇咩 暫時只係feel到一兩次谷m嘅感覺 又唔知係咪錯覺 但好擔心 有冇高人指點
Hello～欣賞你會好細心咁檢查安全套，亦會事後立即沖洗私處，對於衛生方面好有意識
不過都有少少細節想提返，假如性行為時間比較較長，怕安全套磨損，可以考慮應該加水性潤滑劑，如果中途除套，有機會將分泌物黏到新嘅安全套上面，令到安全套失效～
你提到有食天喜丸調經，天喜丸官方網站有提到佢可以調理「因月經失調而引致的各種婦科不適」，所以你嘅經前谷M、胸脹都有機會因為食藥所以冇之前咁嚴重。
而且月經唔準時都有好多原因，包括作息時間、飲食習慣、焦慮、壓力都有機會令月經遲到，嘗試放鬆一下，參與多啲閑暇活動，盡量放鬆心情
感謝你嘅回答啊 琴晚都飲咗啲紅糖水 加咗紅棗 枸杞等等 希望今日會嚟m啦! 如果真係冇嘅話 其實有冇需要check下? 唔該晒啊
由於你有服食有調經功效嘅藥物，月經周期因而有變化嘅話都係合理嘅～ 而其實一般嚟講，月經周期喺23-35日呢個日數都算係常見，而遲嚟1星期都係相當常見嘅情況～ 只要確保冇懷孕，亦冇其他不適或異狀，都可以觀察多陣先考慮要唔要睇醫生催經～
如果想確定有冇懷孕，可以喺性行為後7日進行驗孕，可以獲得初步結果；如果喺性行為後11日驗孕，就可以獲得準確結果㗎啦～
多謝你哋嘅回覆今朝test咗係negative 暫時鬆咗啖口氣…可能係太擔心 都影響到m嚟 轉頭會做啲放鬆啲嘅運動 唔該曬你哋啊!!