同男朋友一個月得一至兩次，每次都安全避孕，除套有睇清楚有冇漏出嚟，確認冇問題先掉。
我自己本身有多囊，每次月經都唔準，都曾經有試過咁多日唔黎M，去睇西醫，食催經藥2,3日就黎。今次唔黎M去咗睇中醫，個醫師話我應該就黎M，開咗5日中藥我催經，但到今日完藥都仲未黎
我已經有胸痛、情緒不穩定、有時會M痛既感覺好幾日，但係每次睇底底都好乾淨，一啲分泌物都冇。我好驚會唔會出事
你好，明白經常都周經唔穩定係好困擾，亦容易令人擔心有懷孕風險。不過你每次性行為斬有做好安全措施，懷孕既機會應該不大。不過我地唔好估估下，如果你已經幾個月無月經，建議你宜家即刻去藥房買支驗孕棒自行驗孕先，結果係陰性就可以肯定排除咗懷孕既可能性。
如果唔係懷孕，下一步就要去睇西醫檢查一下，同埋俾醫生知道你既情況，睇下會唔會有其他問題影響月經。因為你有多囊問題，好多時都要觀察住身體變化，而且亦經常影響月經周期。
雖然真係困擾，但你都要放鬆心情，心情都會影響月經周期㗎！